Girðingarátak NAUST og Breiðdalshrepps

Breiðdalshreppur tekur um þessar mundir þátt í hvatningarátaki til fjarlægingar ónýtra girðinga í samstarfi við Náttúruverndarsamtök Austurlands - NAUST, ásamt fleiri sveitarfélögum á Austurlandi. Tilgangur átaksins er fyrst og fremst vitundarvakning þar sem reynt er að auka meðvitund fólks fyrir ónýtum girðingum og öðru rusli í náttúrunni. Sveitarfélögin sem þátt taka bjóða landeigendum upp á ákveðna aðstoð og hvati fyrir tiltekt er því fyrir hendi.

Verkefnið í Breiðdalshreppi

Aðstoð í boði: Tekið er á móti vír og annað sem til fellur við niðurrif girðinga á móttökustöðum sveitarfélagsins í samráði við verkstjóra áhaldahúss.

Tengiliður: Hermann Arnþórsson verkstjóri áhaldahúss sími 8995406

Breiðdalshreppur og NAUST hvetja landeigendur til að taka til hendinni og nýta sér aðstoð sem í boði er.